Амаль у 20 гарадоў даставілі Бэтлеемскі агонь гомельскія скаўты [ФОТА]
- Written by katolik-gomel.by
- Published in Скаўты - Гомель
- Add new comment
Падпаліць лампады, каб занесці сімвал Раства ў свае дамы, можна кожны дзень пасля Імшы.
У мінулыя выходныя каталіцкія скаўты развозілі па многіх гарадах Беларусі Бэтлеемскі агонь, які напярэдадні даставілі ў краіну з месца зямнога нараджэння Ісуса Хрыста. Каб сімвал Раства трапіў у храмы і дамы шматлікіх вернікаў, гомельскія скаўты - хлопцы і дзяўчаты - адправіліся з Мінска, дзе падпалілі лампады, па двух маршрутах.
Выехаўшы ў суботу, першая група вярнулася да раніцы ў нядзелю ў Гомель, каб перадаць агонь з Бэтлеему мясцовым вернікам, і па дарозе завезла «Бэтлеемскае святло міру» ў Мар'іну Горку, Асіповічы, Бабруйск і Жлобін. А другая група вярнулася дадому толькі ў ноч на панядзелак, аб'ехала паў-Беларусі і даставіла Бэтлеемскі агонь у Стоўбцы, Нясвіж, Гарадзею, Баранавічы, Івацэвічы, Бярозу, Пінск, Янаў, Лунінец, Жыткавічы, Лельчыцы, Мазыр і Калінкавічы.
За рулём былі скаўты-бацькі Мікалай Самсонаў і Станіслаў Чаропка. Цікава, што па дарозе скаўты сустракалі статак ласёў, а таксама заўважылі на трасе шчанюкоў, які былі прама на праезнай частцы. Хлопцы аднеслі жывёл з дарогі ў бяспечнае месца.
Нагадаем, падпаліць лампады, каб занесці Бэтлеемскі агонь з храма ў свае дамы, можна кожны дзень пасля святой Імшы.
Related items
-
У Мінску пачалося будаўніцтва новага касцёла – на ахвяраванні вернікаў
-
Замест ксяндза – біскуп. У Беларусі нагадалі пра востры недахоп святароў
-
Яшчэ раз пра крэмацыю: як пахаваць прах па-хрысціянску, адказалі ў Касцёле
-
Вось як аднавілі капліцу, якую знёс п'яны кіроўца на Смаргоншчыне
-
Занядбаны сучасны храм заўважылі на Міншчыне. Чаму так?