Перамога актывістаў і вернікаў: будоўля ў Курапатах спынена
- Written by katolik-gomel.by
- Published in Соцыум
- Add new comment
На месцы масавых расстрэлаў вялося будаўніцтва бізнес-цэнтра.
Раніцай у панядзелак, 27 лютага, на будаўнічай пляцоўцы каля ўрочышча Курапаты спынілі работы і пачалі вывозіць тэхніку, паведамляюць удзельнікі пратэстаў у Твітэры. Нагадаем, на месцы будаўніцтва бізнес-цэнтра актывісты ўсталявалі намётавы лагер і тыдзень змагаліся за спыненне будоўлі, перажылі начны напад на лагер. Да абароны Курапатаў далучыліся вернікі, у тым ліку католікі, і правялі ў нядзелю масавую малітву за Беларусь.
Раней у абарону Курапатаў выступіў арцыпастыр Каталіцкай царквы ў Беларусі мітрапаліт Тадэвуш Кандрусевіч.
Аднак актывісты асцерагаюцца, што працы могуць аднавіць пасля перамоваў забудоўшчыка з уладамі, таму ў намётавым лагеры па-ранейшаму маюць намер весці дзяжурства.
Нагадаем, каля ўрочышча, дзе адбываліся масавыя расстрэлы рэпрэсаваных і дзе да гэтага часу знаходзяцца парэшткі забітых, вялося будаўніцтва бізнес-цэнтра. Курапаты з'яўляюцца знакавым месцам для Беларусі, менавіта тут пачыналася нацыянальнае адраджэнне пасля выяўлення астанкаў рэпрэсаваных.
Related items
-
«Сэрца разрываецца». У Беларусі не змаглі служыць Імшу святары з Польшчы – выказаўся біскуп
-
З'явілася пацверджанне аб ліквідацыі парафіі грэка-католікаў у Оршы
-
«Жыццё пачынаецца там, дзе знікае 5G». Святар з Віцебска выпускае кнігу – для падлеткаў
-
Цуды – кожны дзень. У Будславе распавядаюць, як і каму дапамагла Божая Маці
-
Стаў вядомы кошт удзелу для католікаў Беларусі ў Сусветных днях моладзі ў Сеуле