У Гродне аднавілі работу найстарэйшых курантаў Еўропы
- Written by Katolik.life
- Published in Соцыум
- Add new comment
Новага гадзіншчыка, якому перадаў сакрэты папярэднік, шукалі паўгады.
Гадзіннік Катэдральнага касцёла св. Францішка Ксаверыя (Фарнага касцёла) у Гродне аднавіў работу пасля шасцімесячнага перапынку. Старадаўні механізм вежавага гадзінніка спыніўся паўгады таму пасля смерці адзінага наглядчыка Юзафа Ясюкевіча. Нагадаем, гродзенскім курантам - амаль 500 гадоў, яны з'яўляюцца найстарэйшым вежавым гадзіннікам у Еўропе.
Гадзіншчыка, які змог бы распачаць працу механізму ХV стагоддзя, шукалі паўгады, паколькі прафесія гадзіншчыка цяпер унікальная. Механізм трэба заводзіць раз у трое сутак, і ў гэтага працэсу ёсць свае сакрэты. Папярэдні наглядчык паспеў перадаць майстэрства толькі аднаму вучню, якога і шукалі ўвесь гэты час, распавялі ў эфіры тэлеканала «СТВ». Цікава, што новы наглядчык курантаў - праваслаўны вернік.
Дарэчы, у галоўны касцёл Гродна, які нядаўна адрамантавалі, плануюць прыцягваць турыстаў у тым ліку і экскурсіямі да ўнікальнага гадзінніка.
Media
Related items
-
Старадаўнюю капліцу знесла аўто ў Смаргонскім раёне: якой яна была
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?
-
«Уся каталіцкая Беларусь моліцца». Як адрозніваецца афіцыйнае і неафіцыйнае жыццё Касцёла
-
Тры гады як закрыты Чырвоны касцёл у Мінску: вернікі пачынаюць зваротны адлік
-
Рэдкі выпадак: дэлегацыя дзяржслужачых разам з біскупамі і праваслаўным святаром наведалі касцёл