Напярэдадні Раства ў праваслаўных у Беларусі распусціліся кветкі [фота]

Студзень 5, 2018
Written by Katolik.life
Published in Соцыум
Add new comment

Зіма хутка вернецца, таму можна чакаць традыцыйныя вадохрышчанскія маразы.

Божыя сюрпрызы працягваюцца: Вялікдзень пад снегам, зімовая вясёлка напярэдадні Раства ў католікаў... Незвычайна цёплая зіма парадавала новым цудам: у Беларусі ў студзені распускаюцца кветкі! Паведамленні з фотаздымкамі свежых ружаў, маргарытак, браткоў з'яўляюцца на старонках сацсетак з розных куткоў Беларусі: Гродна, Ваўкавыск, Маладзечна...

Па прагнозах сіноптыкаў, цуды скончацца ўжо пасля 7-га студзеня, калі ў Праваслаўнай царкве будзе святкавацца Божае Нараджэнне, а ў Каталіцкай - Хрост Пана. З панядзелка, 8 студзеня, абяцаюць вяртанне зімы: тэмпература апусціцца да 2-4 градусаў марозу, потым пачнуцца снегапады, пахаладае яшчэ больш.

Так што традыцыйныя маразы на Вадохрышча, якое праваслаўныя будуць святкаваць 19 студзеня, цалкам можна чакаць.

Last modified onПятніца, 05 Студзень 2018 17:15

Tagged under

Related items