Беларусы праспяваюць «Магутны Божа» 25 сакавіка на плошчы ў Мінску
- Written by Katolik.life
- Published in Соцыум
- Add new comment
Вывучым хрысціянскі гімн Беларусі разам - тэст + відэа
Беларускі хрысціянскі гімн «Магутны Божа», які таксама называюць духоўным гімнам Беларусі, праспяваюць на плошчы каля Нацыянальнага опернага тэатра ў Мінску 25 сакавіка. У гэты дзень там пройдзе фестываль да 100-годдзя абвяшчэння незалежнасці Беларускай Народнай Рэспублікі.
«Магутны Божа» нярэдка гучыць у каталіцкіх храмах Беларусі, таксама яго выконваюць хоры праваслаўнай царквы. Гэта песня на верш Наталлі Арсенневай «Малітва» (1943 г.), створаная кампазітарам Мікалаем Равенскім у 1947 годзе. Пасля атрымання незалежнасці Беларусі «Магутны Божа» прапаноўвалася зрабіць афіцыйным дзяржаўным гімнам краіны.
Нагадаем, 25 сакавіка ў касцёлах рэспублікі будуць служыць Імшы і маліцца за Беларусь.
Магутны Божа! Уладар сусветаў,
вялікіх сонцаў і сэрц малых!
Над Беларусяй, ціхай і ветлай,
рассып праменні свае хвалы.
Дай спор у працы штодзённай, шэрай,
на лусту хлеба, на родны край,
павагу, сілу і веліч веры,
у нашу праўду, у прышласць - дай!
Дай урадлівасць жытнёвым нівам,
учынкам нашым пашлі ўмалот!
Зрабі магутнай, зрабі шчаслівай
краіну нашу і наш народ!
Media
Related items
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
Старадаўнюю капліцу знесла аўто ў Смаргонскім раёне: якой яна была
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?
-
Асеннія фотасесіі зрабілі беларускія манахіні
-
«Спадзяюся, што людзі, даведаўшыся пра гэта, умацуюцца ў веры». З'явілася вестка ад ксяндза Акалатовіча