У небе над Італіяй сфатаграфавалі сонечны вобраз Хрыста

Здымак жыхара італьянскага горада Агропалі на поўдні Апенін стаў вірусным: яго перадрукоўваюць ў сацсетках і на навінавых сайтах розных краін свету. На сваёй старонцы Альфрэда Ло Брута апублікаваў ўзрушаючае фота: на закаце над морам сонечнае святло прабілася праз аблокі і нагадала вядомы вобраз - Езуса Хрыста, які дабраслаўляе. Сам фатограф параўнаў убачанае са знакамітай статуяй Хрыста ў бразільскім Рыа-дэ-Жанейра.

Нагадаем, цяперашняя нядзеля была апошняй перад Вялікім постам - важным перыядам у жыцці хрысціянаў. У Каталіцкай царкве Вялікі пост пачынаецца ў Папяльцовую сераду, 6 сакавіка.