Мінчук наведаў усе касцёлы сталіцы і выклаў адтуль сэлфі

Каталіцкі вернік з Мінска Артур Белаблоцкі здзейсніў незвычайную пілігрымку – наведаў усе касцёлы беларускай сталіцы і прыгарада, зрабіў там сэлфі і выклаў іх у сацсетку. Артура ведаюць у каталіцкай супольнасці Мінска як чалавека «непасрэднай пабожнасці» – ён піша па-беларуску вершы, прысвечаныя Панне Марыі, храмам, малюе рэлігійныя карціны.

Сваёй арыгінальнай акцыяй вернік падзяліўся ў групе «Каталікі Беларусі» і апублікаваў там 26 сэлфі з рыма-каталіцкіх парафій Мінска і ваколіц. Пад некаторымі фота ён падаў інфармацыю пра час цэлебрацыі святых Імшаў у храмах.

Наш канал в Telegram – только интересное и важное. Подписаться >

Дарэчы, гэты неардынарны вернік таксама ўдзельнічае ў шматлікіх малітоўных акцыях, піша нестандартныя пасты ў сацсетцы. Яго непасрэднасць выклікае розную рэакцыю ў каталіцкім асяроддзі. Гэта натуральна, але варта памятаць пра тое, што Гасподзь часта яўляе Сябе менавіта ў такіх людзях і гэтым дапамагае нам змагацца с уласным фарысействам.