Пробашча касцёла ў Шуміліне асудзілі трэці раз запар – ён больш за месяц у зняволенні
- Written by KATOLIK.LIFE
- Published in Соцыум
- Add new comment
Два папярэднія разы святару прызначылі максімальна магчымы тэрмін за дзеянні ў інтэрнэце двухгадовай даўніны.
Праз месяц пасля затрымання, якое адбылося 8 траўня, пробашч рыма-каталіцкай парафіі ў Шуміліне айцец Анджэй Юхневіч не выйшаў на волю. Гэта азначае, што яго асудзілі на адміністрацыйны арышт трэці раз запар, а два папярэднія разы прызначылі па 15 сутак арышту (чытайце таксама: Увесь час без матраца, перадач, прагулак, сярод ночы – пад'ём. У якіх умовах святары адбываюць арышт >).
Новы тэрмін і абвінавачванне, а таксама абвінавачванне па другім пратаколе пакуль застаюцца невядомыя. У першы раз святара асудзілі на арышт паводле адміністрацыйнага артыкула за «несанкцыянаванае пікетаванне» (Парушэнне парадку арганізацыі або правядзення масавых мерапрыемстваў). Як сказана ў апублікаванай у банку судовых рашэнняў пастанове, святару паставілі ў віну тое, што раней ён размяшчаў на сваім фота профілю ў сацсетцы некалькі значкоў, і гэтыя дзеянні міліцыя і суд палічылі несанкцыянаваным пікетаваннем. Пробашча санктуарыя асудзілі на максімальна магчымы тэрмін.
Фота профілю са значкамі, пра якія ідзе гаворка (у тым ліку з афіцыйным сцягам Украіны) святар абнаўляў больш за два гады таму. У той жа дзень, 26 лютага 2022 года, калі на фота профілю пробашча з'явіўся значок са сцягам Украіны, ён змяніў яго на выяву голуба міру. Аднак усё роўна быў прызнаны вінаватым і асуджаны на максімальны тэрмін арышту.
За падобныя дзеянні ў інтэрнэце па аналагічным артыкуле быў асуджаны таксама вікарый парафіі, які пасля двух судоў і арышту выйшаў на волю і вярнуўся да служэння ў санктуарыі.
Наш канал в Telegram – только интересное и важное. Подписаться >
Related items
-
З дапамогай Ватыкана вызваленыя пяць зняволеных у Беларусі ўкраінцаў
-
Як не трэба прыходзіць у храм – паказалі прыклад турысткі
-
«Відавочна, колькасць скароціцца». У Беларусі пачынаецца перарэгістрацыя парафій
-
«Вырашылі мяне пазбавіцца». Польскі святар распавёў, што з ім здарылася ў Расіі
-
Ватыканскі кардынал прывёз дапамогу ва Украіну і блаславіў маці святара, знаёмага беларусам