Каталіцкі біскуп даў сваю інтэрпрэтацыю «Году беларускай жанчыны» – атрымалася паэтычна

Генеральны вікарый Мінска-Магілёўскай архідыяцэзіі біскуп Аляксандр Яшэўскі выказаўся на тэму «Году беларускай жанчыны», які абвясцілі дзяржаўныя ўлады.

Іерарх напісаў вялікі тэкст, у якім даў гэтай ідэі сваю інтэрпрэтацыю – духоўна-лірычную. Атрымаўся своеасаблівы гімн беларускай жанчыне:

«Бласлаўлёная жанчына Беларусі, ты – як свечка перад абразом: гарыш ціха, але тваё святло бачна далёка. У тваіх вачах – памяць продкаў і надзея дзяцей, у тваім сэрцы – малітва, якая не перарываецца, нават калі губы маўчаць».

Іерарх таксама напісаў у адрас абагуленай жанчыны:

«Ты – апора дому, цішыня, што лечыць, рукі, якія благаслаўляюць, слова, што ўздымае».

Паводле біскупа, «Год беларускай жанчыны – гэта год падзякі Богу за тваю прысутнасць, за тваю мудрасць, за тваю здольнасць рабіць свет больш жывым».

Іерарх пажадаў:

«Няхай Бог умацоўвае тваю дарогу, ахоўвае тваю пяшчоту і множыць тваё святло. Бо праз цябе Беларусь дыхае надзеяй».

Поўны тэкст глядзіце ніжэй.

Наш канал в Telegram – только интересное и важное. Подписаться >