У Страсбургу Папа будзе казаць аб сацыяльных праблемах
- Written by katolik-gomel.by
- Published in Царква
- Add new comment
Касцёл не павінен умешвацца ў палітыку, але абавязаны рабіць націск на душпастырства сацыяльнай сферы жыцця грамадства.
Папа Францішак, прамаўляючы ў Еўрапейскім Парламенце і Савеце Еўропы, перадусім будзе казаць пра недахопы ў сацыяльнай сферы на Старым Кантыненце, лічыць арцыбіскуп Марыё Тоза, сакратар Папскай рады “Iustitia et pax”. У інтэрв’ю італьянскаму інтэрнэт-парталу “Vatican Insider” іерарх нагадаў пра асаблівую заклапочанасць Пантыфіка сацыяльнымі праблемамі.
“Патрабаванне сацыяльнай справядлівасці блізка звязана з абвяшчэннем Евангелля”, - сказаў ён.
На думку арцыбіскупа, Касцёл не павінен умешвацца ў палітыку, але абавязаны рабіць націск на душпастырства сацыяльнай сферы жыцця грамадства. Іерарх таксама падкрэсліў важнасць аб’яднання Еўропы перад абліччам эканамічнага крызісу, бо самастойна вырашыць існуючыя праблемы для краін – немагчыма.
Візіт Святога Айца ў Страсбург, звязаны з наведваннем Еўрапейскага Парламенту і штаб-кватэры Савета Еўропы, пройдзе 25 лістапада 2014 г.
Related items
-
Папа Рымскі з лякарні патэлефанаваў Пуціну – каб выратаваць дзве тысячы чалавек
-
Спрэчных канцэртаў у касцёле ў Брэсце больш не будзе? Так вырашылі ўлады, але не касцёльныя
-
Паранены святар у Польшчы даў сведчанне аб Евангеллі на мільённую аўдыторыю
-
У Мінску легендарны майстар адкрыў дабрачынны барбершоп. Ён каталіцкі
-
У Беларусі пробашча касцёла забралі ў войска. Але не надоўга