Папа Францішак у Шры-Ланцы: вылечыць раны канфлікту, перамагаючы зло дабром

Пералёт заняў каля 10 гадзін, за якія Пантыфік пераадоліў 7630 км. Праз поўгадзіны пасля вылету з рымскага аэрапорта “Фьюмічына” Пантыфік прывітаў журналістаў, якія яго суправаджалі. Ён сам прайшоў уздоўж салона, асабіста вітаючы кожнага прысутнага прадстаўніка СМІ, у той час як раней, звычайна журналісты падыходзілі да Пантыфіка, заўважыў у сваім каментары кіраўнік Залы Друку Апостальскай Сталіцы кс. Фэдэрыка Ламбардзі.

Пасля прызямлення ў міжнародным аэрапорце ў Каломба, калі Святы Айцец сышоў з трапу самалёта, двое дзяцей урычылі яму кветачную герлянду бела-жоўтых колераў, а група моладзі выканала традыцыйныя танцы.

Папу асабіста прывітаў Прэзідэнт Шры-Ланкі Майтрыпала Сірысен. Яго прамова была сардэчнай, але карацейшай, за звычайныя прэзідэнскія прывітальныя звароты. Ён падкрэсліў, што быў абраны на пост кіраўніка дзяржавы зусім нядаўна і вельмі рады пачаць сваю кадэнцыю з прыняцця Пантыфіка. Ён выказаў радасць з прычыны таго, што Францішак вырашыў пачаць свой візіт у Азію са Шры-Ланкі.

radiovaticana.va