Пакаянне за Беларусь: топ-5 фота з Крыжовага шляху ў Навагрудку

Верасень 6, 2026
Written by KATOLIK.LIFE
Published in Царква
Add new comment

«Углядаючыся ў неба над нашай Бацькаўшчынай і небяспекай, якая навісла над светам, немагчыма маўчаць».

Рэкалекцыі пакаяння за Беларусь з удзелам біскупа Віцебскага Алега Буткевіча завяршыліся 6 верасня ў Навагрудку. Яны праходзілі ў чацверты раз і ўключалі ўсяночныя адарацыі, пілігрымку пакаяння, Крыжовы шлях вуліцамі горада, іншыя пакутныя набажэнствы.

Напярэдадні пробашч парафіі святога Міхала Арханёла ксёндз Юрый Жэгарын з прыступкаў храма першай сталіцы ВКЛ запрашаў на рэкалекцыі ўсіх неабыякавых:

«Углядаючыся ў неба над нашай Бацькаўшчынай і небяспекай, якая навісла над светам, немагчыма маўчаць. Войны, падзелы, непакой, ахаладжэнне веры і страта любові – усё гэта стукаецца ў дзверы кожнага дому».

Ён адзначыў, што прароцтвы Фацімскіх аб'яўленняў Панны Марыі актуальныя ў нашы дні.

Сутнасць рэкалекцый – здзейсніць акт уміласціўлення Богу за грахі народу і ўсяго свету, і каб агульная малітва, спалучаная з Эўхарыстыяй, стала духоўным шчытом для Беларусі.

Фота з Крыжовага шляху – з сацсетак і старонкі кс. Юрыя Жэгарына.