У мінскім праваслаўным прыходзе ўпершыню правялі службу па-беларуску

Сакавік 8, 2015
Written by katolik-gomel.by
Published in Царква
Add new comment

Першую беларускамоўную літургію наведалі каля 100 чалавек.

8 сакавіка, у другую нядзелю Вялікага посту ў мінскім праваслаўным прыходзе ў гонар Арханёла Міхаіла (мікрараён Сухарава) адбылася Боская Літургія на беларускай мове. Гэта была першая служба ў гэтым прыходзе, якая праводзілася на беларускай мове. Адбывалася яна з блаславення Мітрапаліта Мінскага і Заслаўскага Паўла.

Як адзначыў айцец Аляксандр Шрамко, беларускамоўныя літургіі на гэтым прыходзе будуць адбывацца і далей, а менавіта кожную другую нядзелю месяца.

Перад пачаткам літургіі ўсім вернікам раздаваліся спецыяльныя памяткі з асноўнымі малітвамі - Сімвалам Веры і «Ойча наш» - на беларускай мове. Першую беларускамоўную літургію наведалі каля 100 чалавек. Па словах святара, для яго было велізарным задавальненнем, што так шмат людзей наведалі гэтую службу, піша сайт minskby.com.

Tagged under

Related items