Спатканне сужэнскіх пар усяго рэгіёну зладзяць у Магілёве
- Written by katolik-gomel.by
- Published in Царква
- Add new comment
Сужэнцы пройдуць працэсіяй праз Святыя Дзверы.
27 снежня ў 11.00 у Магілёве адбудзецца Юбілей Сужэнстваў Магілёўскага рэгіёну, паведаміў у Фэйсбуку біскуп вікарый для Магілёва і Магілёўскай вобласці Аляксандр Яшэўскі SDB.
- У Надзвычайным Годзе Божай Міласэрнасці ў Магілёўскім рэгіёне запланавана некалькі мерапрыемстваў, якія маюць на мэце дапамагчы розным рэлігійным рухам, групам, аб’яднанням і паасобным вернікам адкрыць новы досвід Божай любові і міласэрнасці і ўцелаўляць яго ва ўласным жыцці. Адно з такіх спатканняў адбудзецца ў Свята Святой Сям’і: Езуса, Марыі і Юзафа 27 снежня 2015 года аб 11 гадзіне ў Магілёўскай катэдры, якая стала Юбілейнай Святыняй, - піша біскуп. - Сардэчна запрашаю ўсе сужэнскія пары Магілёўскага рэгіёну на Юбілейную Святую Імшы, падчас якой сужэнцы будуць мець магчымасць прайсці ва ўрачыстай працэсіі праз Святыя Дзверы і аднавіць свае сужэнскія абяцанні, складзеныя калісьці падчас сакрамэнту шлюбу. Асабіста заахвочваю да ўдзелу тыя пары, які святкуюць альбо будуць святкаваць юбілей сумеснага жыцця, а таксама руху “Хатні касцёл” у Магілёве.
Таксама біскуп просіць душпастыраў аб анімацыі сярод вернікаў і дапамозе сужэнскім парам прыбыць на гэта свята ў катэдру і паведаміць загадзя імя і прозвішча сужэнскіх пар.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле