Тэракт на Вялікдзень у Пакістане: забітыя жанчыны і дзеці
- Written by katolik-gomel.by
- Published in Царква
- Add new comment
Папа Францішак назваў тэракт подлым і бессэнсоўным.
Подлым і бессэнсоўным злачынствам назваў папа Францішак тэракт у пакістанскім горадзе Лахор, які здрарыўся 27 сакавіка 2016 г. і азмрочыў святкаванне Пасхі мясцовай каталіцкай супольнасцю, пакінуўшы пасля сябе 69 ахвяраў, у тым ліку па меншай меры 40 хрысціян, і больш за 300 параненых.
“Учора ў цэнтральным Пакістане, Святая Пасха была акрываўлена з прычыны агіднага тэрарыстычнага акту, у выніку якога загінула мноства нявінных людзей, у большасці з сем’яў, якія належаць да хрысціянскай меншасці – асабліва жанчын і дзяцей – сабраных у публічным парку, каб радасна адзначыць велікодныя ўрачыстасці”, - нагадаў Папа пасля малітвы "Regina Caeli" 28 сакавіка 2016 г. у Ватыкане.
Святы Айцец выказаў сваю блізкасць усім, хто пацярпеў у выніку гэтага злачынства і заклікаў вернікаў маліцца за ахвяр трагедыі і іх блізкіх.
“Звяртаюся да грамадзянскіх уладаў і ўсіх сацыяльных кампанентаў гэтай краіны, каб прыкладалі ўсе намаганні на карысць аднаўлення бяспекі і спакою насельніцтва і асабліва найбольш уразлівых рэлігійных меншасцяў. Паўтараю яшчэ раз, што насілле і забойчая нянавісць вядуць толькі да болю і разбурэнняў. Павага і братэрства – гэта адзін шлях для дасягнення спакою”, - сказаў Папа.
Напрыканцы свайго звароту ён заклікаў маліцца, каб злачынцы перасталі сеяць тэрор і смерць, а ў свеце запанавалі любоў, справядлівасць і прымірэнне.
Related items
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні