У Беларусі асвяцілі дарогі ў Дзень памяці ахвяраў ДТЗ
- Written by katolik-gomel.by
- Published in Царква
- Add new comment
Супрацоўнікі ДАІ запалілі лампадкі, ушанаваўшы памяць загінуўшых.
У Сусветны дзень памяці ахвяр ДТЗ, які штогод адзначаецца ў трэцюю нядзелю лістапада, прынята ўспамінаць пра тых, чые жыцці забрала дарога. Аўтамабільны сярод астатніх відаў транспарту застаецца самым траўманебяспечным. З пачатку гэтага года толькі на Гродзеншчыне ў аўтаздарэннях загінулі 50 чалавек, паведамляе УДАІ УУС Гродзенскага аблвыканкама.
Працягваючы шматгадовую традыцыю, супрацоўнікі ДАІ са святарамі каталіцкай і праваслаўнай канфесій напярэдадні дня памяці, смутку і трывогі наведалі шэраг месцаў, дзе ў гэтым годзе аўтамабільныя аварыі абарвалі чалавечыя жыцці. Айцец Аляксандр і ксёндз Павел памаліліся за памерлых і жывых, асвяцілі ўчасткі, дзе адбыліся трагедыі. Супрацоўнікі Дзяржаўтаінспекцыі запалілі там лампадкі.
Таксама ў гэты дзень асвячалі небяспечныя ўчасткі дарог на Гомельшчыне, праўда, толькі праваслаўныя святары.
Related items
-
Знік самы папулярны ў сацсетках беларускі святар. Што здарылася?
-
Кранальныя відэа са святаром робіць беларуская парафія
-
«Спадзяюся, што людзі, даведаўшыся пра гэта, умацуюцца ў веры». З'явілася вестка ад ксяндза Акалатовіча
-
Новы Апостальскі нунцый упершыню наведаў Гомель – і вось з якой нагоды
-
А вы бачылі, як вырабляюць ружанцы? Працэс паказаў беларускі майстар