Католікі арганізавалі пілігрымку з Мінска ў Будслаў на верталёце [фота]
- Written by katolik-gomel.by
- Published in Царква
- Add new comment
Верталётныя паломніцтва плануюць арганізаваць таксама ў Жыровічы.
З пачатку траўня 2017 года ахвотнікі наведаць Будслаў і памаліцца ля абраза Маці Божай Будслаўскай змогуць паляцець туды... на верталёце! Ініцыятарам новага фармату пілігрымак стала каталіцкая парафія Святых Сымона і Алены ў Мінску (Чырвонага касцёла). Як вядома, яго пробашч - кс. Уладзіслаў Завальнюк - захапляецца не толькі пчалярствам, але і авіяцыяй. Ён прызнаны прыдатным для палётаў на малых і спартыўных самалётах і вучыцца ў Беларускай дзяржаўнай акадэміі авіяцыі.
Верталётныя пілігрымкі будуць арганізаваны ў супрацоўніцтве з Рэспубліканскім Саюзам турыстычных арганізацый. Мэтай стане павелічэнне зацікаўленасці ў Будславе з боку турыстаў, у першую чаргу замежных. Па дарозе ў санктуарый можна атрымаць асалоду ад і краявідаў Беларусі з вышыні птушынага палёту.
Дарэчы, верталётныя паломніцтва плануюць арганізаваць і ў Жыровічы, дзе таксама знаходзіцца цудатворны абраз Божай Маці, шанаваны як каталікамі, так і праваслаўнымі.
Выконвае палёты мінскі аэраклуб ДТСААФ з аэрадрома "Баравая" пад Мінскам. Замовіць верталёт для паломніцтва неабходна загадзя па тэлефонах: 8 (017) 505-29-60 ці 8 (017) 200-44-15.
Журналісты Catholic.by ужо здзейснілі пробны палёт у беларускі санктуарый у Будславе і апублікавалі фотасправаздачу.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі