Арцыпастыр Касцёла ў Беларусі стаў насіць альбу з вышыванкай [фота]
- Written by katolik-gomel.by
- Published in Царква
- Add new comment
Мітрапаліт Тадэвуш Кандрусевіч падтрымлівае нацыянальную традыцыю народа.
Арцыбіскупа Тадэвуша Кандрусевіча на нядаўніх урачыстасцях заўважылі ў альбе (белае літургічная адзенне) з вышытым беларускім арнаментам. Упершыню Мітрапаліта ўбачылі ў альбе з вышыванкай у Вілейцы, а затым і ў Любані. Альбы з нацыянальным арнаментам вырабляе ў Беларусі майстэрня манахаў-капуцынаў SACRIS VESTIBUS у Маладзечне. Цікава, што напярэдадні іерарх быў з візітам у гэтым райцэнтры.
- Вышыванка, як від нацыянальнай вопраткі некаторых славянскіх народаў, з’яўляецца часткай іх культурнай спадчыны. Такім чынам, калі спрабаваць ацэньваць вышыванку па-хрысціянску, то ў першую чаргу мы сутыкаемся з адносінамі хрысціянства да культуры. Касцёл пазітыўна ацэньвае чалавечую культуру, бо яна «мае выключнае месца ў цэласным пакліканні чалавека», і яе найлепшыя праявы могуць «стаць пэўнай падрыхтоўкай для прыняцця евангельскага паслання», - тлумачыў кс. Кірыл Бардонаў. - Сам па сабе Касцёл мае ўніверсальны характар - ён не з’яўляецца, напрыклад, толькі беларускім ці толькі ўкраінскім. Для таго, каб прапаведванне Евангелля было больш паспяховым, Касцёл выкарыстоўвае найлепшае, што ёсць у культуры кожнага народа. Праз гэта культура народа становіцца больш духоўнай, а традыцыя Касцёла - больш багатай.
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы