Вандалы пад Віцебскам спілавалі каталіцкі крыж
- Written by katolik-gomel.by
- Published in Царква
- Add new comment
Злачынства адбылося на свята Маці Божай Будслаўскай.
Ноччу з 1 на 2 ліпеня вандалы спілавалі каталіцкі крыж каля капліцы Маці Божай Будслаўскай у Кардоне ў Віцебскай дыяцэзіі.
Парафіяне агледзелі спілаваны крыж раніцай у нядзелю 2 ліпеня. Ксёндз Аляксандр Півавар, пробашч парафіі ў Уле, які абслугоўвае таксама Кардон, паведаміў “Каталіцкаму Весніку”, што пра акт вандалізму ўжо ведаюць праваахоўныя органы.
Святар сказаў, што парафіяне будуць у малітвах перапрашаць Бога за здзейснены ўчынак, а таксама маліцца за навяртанне вандалаў. На месцы спілаванага крыжа вернікі паставяць металічны.
“Людзі плакалі, калі даведаліся пра гэта. Крыж быў пастаўлены намаганнямі саміх парафіян і быў асвечаны. Наогул знак крыжа вельмі дарагі сэрцу кожнага католіка. Мы ўсе вельмі перажываем з-за гэтага здарэння. Ніколі нічога падобнага не было ў нашай парафіі”, – сказаў кс. Аляксандр Півавар.
Пакуль што невядома, хто зрабіў гэты ўчынак. Але заслугоўвае на ўвагу той факт, што злачынства было ўчынена ў ноч, калі католікі Беларусі святкуюць урачыстасць Маці Божай Будслаўскай.
Related items
- «Зробім каталіцкае ТБ». Два моцныя YouTube-праекты запусцілі святары і манахіня
- Святары з Шуміліна застаюцца ў зняволенні, таксама была затрымана парафіянка
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску