Дзеці з беларускага Дзятлава трапілі на перадавіцу The Wall Street Journal
- Written by Katolik.life
- Published in Царква
- Add new comment
На фота ў амерыканскім выданні дзеці паказваюць Калядную сцэнку ў касцёле.
На першую паласу аднаго з самых папулярных выданняў ЗША - The Wall Street Journal - трапілі дзеці з беларускага Дзятлава ў Гродзенскай вобласці. У мястэчку з насельніцтвам усяго каля 8 тыс. ёсць цудоўны каталіцкі храм Унебаўзяцця Найсвяцейшай Панны Марыі, дзе на Божае Нараджэнне дзеці паказвалі традыцыйную Калядную сцэнку - «Бэтлеемку» (Батлейку). У пастаноўцы ў прыгожым старадаўнім касцёле дзеці, узгадваючы біблейскі сюжэт, іграюць хор анёлаў, святых Юзафа і Марыю, пастушкоў і мудрацоў, якія прыйшлі пакланіцца нованароджанаму Езусу Хрысту.
У касцёле пабываў фотакарэспандэнт Reuters у Беларусі Васіль Фядосенка. Яго фота, на якім зафіксаваны паказ сцэнкі, выданне купіла ў інфармацыйнага агенцтва і апублікавала на перадавіцы ў сваёй друкаванай версіі, распавядаючы пра тое, як святкуюць Каляды ва ўсім свеце. Гэта заўважыў беларус Дзмітрый Мятліцкі, які жыве ў Нью-Ёрку, і выклаў фота газеты ў сваім Facebook.
«Уол-стрыт джорнэл» (The Wall Street Journal) - гэта штодзённая амерыканская дзелавая газета на англійскай мове. Адно з найбуйнейшых і самых уплывовых амерыканскіх выданняў мае наклад каля 2 млн асобнікаў. У газеце публікуюцца навіны палітыкі, эканомікі, фінансаў, аналітыкі, культуры.
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў