Пачалася рэгістрацыя на сустрэчу з Папам Францішкам ў Літве
- Written by Katolik.life
- Published in Царква
- Add new comment
Сотні католікаў з Беларусі плануюць адправіцца ў паломніцтва суседнюю краіну.
Каб трапіць на сустрэчы з Папам Рымскім Францішкам у Літве, групы паломнікаў і асобныя пілігрымы павінны прайсці онлайн-рэгістрацыю, якая стартуе 1 жніўня з 12.00. Запоўніць анкету і зарэгістравацца неабходна ўсім удзельнікам на сайце: popieziausvizitas.lt - акрамя тых, хто ўжо запісаўся на мерапрыемствы з удзелам Папы ў сваіх парафіях, ім праходзіць онлайн-рэгістрацыю не трэба.
Нагадаем, Пантыфік наведае з апостальскім візітам Літву, Латвію і Эстонію 22-25 верасня. Сустрэчы з Папам будуць у наступных гарадах: Вільня і Каўнас у Літве; Рыга і Аглона ў Латвіі і Талін ў Эстоніі.
У другой палове дня 22 верасня Папа наведае віленскі санктуарый Маці Божай Вастрабрамскай, дзе памоліцца перад цудатворнай іконай Маці Міласэрнасці, пасля чаго сустрэнецца з моладдзю на плошчы перад вільнюскім катэдральным саборам. Раніцай 23 верасня Францішак адправіцца ў Каўнас, дзе ў мясцовым парку Santakos ўзначаліць нядзельную святую Імшу, якая завершыцца супольнай малітвай «Анёл Панскі».
Візіт Папы ў Літву - унікальная магчымасць для католікаў Беларусі сустрэцца з Пантыфікам. Упершыню Францішак будзе так блізка - літоўская сталіца знаходзіцца літаральна ў 40 км ад беларускай мяжы. Таму аўтобусныя пілігрымкі ў Літву запланаваны з многіх гарадоў Беларусі.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу