Католікаў запрашаюць да супольнай малітвы дзеля спынення пандэміі
- Written by KATOLIK.LIFE
- Published in Царква
- Add new comment
Няспынны Ружанец кожны моліцца на працягу паўгадзіны ў зручны для сябе час
Каталіцкая верніца, журналіст Марына Валасар прапанавала з'яднацца ў малітоўнай акцыі дзеля спынення эпідэміі каронавірусу.
- Усе мы ведаем, якая сітуацыя ў Беларусі з COVID-19. Кожны дзень рэгіструецца (афіцыйна) 900+ новых выпадкаў заражэння. Гэта нават афіцыйна шмат для нашай краіны. Абставіны такія, што толькі Бог і можа дапамагчы ў гэтай сітуацыі. У сувязі з гэтым ёсць прапанова. Давайце будзем маліцца кожную гадзіну на працягу сутак на Ружанцы ў інтэнцыі спынення пандэміі найперш у Беларусі, а таксама ў свеце. Атулім Беларусь малітвай праз заступніцтва Маці Божай!
Паводле прапановы Марыны, жадаючыя паведамляюць зручны для сябе час на працягу паўгадзіны, затым фарміруецца графік малітвы. Падобна да «Няспыннай малітвы за Беларусь», але ў гэтым выпадку ёсць толькі адна канкрэтная інтэнцыя - спыненне эпідэміі.
- Падчас Ружанца прасіце Марыю, каб заступілася за тых людзей, якія менавіта ў гэтыя 20-30 хвілін знаходзяцца на мяжы жыцця і смерці, у цяжкім стане, якія могуць заразіцца (каб гэтага не сталася), за ўсіх медыкаў… Вядома, што кожны католік і так моліцца на Ружанцы кожны дзень, таму мы можам аб’яднаць ружанцовы месяц з такой інтэнцыяй.
Марына прапаноўвае жадаючым паведамляць аб зручным для сябе часе ў каментарах або праз асабістыя паведамленні. Многія ўжо адгукнуліся.
Media
Related items
-
Беларускі біскуп заклікаў да малітвы за перамовы Украіны і Расіі
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?