Арцыбіскуп Кандрусевіч: «Выбары павінны быць сумленнымі, свабоднымі і справядлівымі»
- Written by KATOLIK.LIFE
- Published in Царква
- Add new comment
Старшыня Канферэнцыі каталіцкіх біскупаў у Беларусі заклікаў не баяцца цяжкасцяў
Падчас парафіяльнага адпусту ў Будславе 2 ліпеня старшыня Канферэнцыі каталіцкіх біскупаў у Беларусі мітрапаліт Тадэвуш Кандрусевіч заклікаў не баяцца цяжкасцяў. Іерарх таксама выказаў надзею на кансалідацыю беларускага грамадства перад выбарамі прэзідэнта.
- Бог суцешыў апосталаў на моры і сказаў: не бойцеся. І нам трэба не баяцца, а адчыніць сэрцы Езусу, каб ён быў у нас і нашым народзе, які выбірае сваю будучыню, - адзначыў арцыбіскуп падчас ўрачыстай святой Імшы.
Паводле іерарха, «Карабель, імя якому Беларусь, сёння знаходзіцца на ўзбураным сацыяльна-палітычнымі хвалямі моры»:
- Выбары, якія перад намі, павінны быць сумленнымі, свабоднымі і справядлівымі. Яны павінны адбывацца ў духу ўзаемапавагі паміж рознымі грамадскімі і палітычнымі сіламі.
Арцыбіскуп Кандрусевіч падкрэсліў, што «закладзены Творцам прынцып свабоднай волі прадугледжвае магчымасць свабоднаму выбару, што будзе спрыяць так патрэбнай у наш час кансалідацыі нашага грамадства».
Кіраўнік беларускага каталіцкага епіскапату нагадаў, што паводле вучэння святога Яна Паўла ІІ, «у разнароднасці павінна праяўляцца адзінства ў імя дасягнення супольнага дабра для адзінай нашай Бацькаўшчыны».
Іерарх дадаў, што калі даверыцца Хрысту, а розныя грамадскія і палітычныя сілы будуць дзейнічаць з духам Евангелля і клапаціцца пра супольнае дабро краіны, то Езус "дапаможа нам розным быць адным народам, узаемна любячымі і паважаючымі братамі і сёстрамі, а буру заменіць на штыль”.
Чытайце таксама: Будслаў-2020: базыліку зачыняць нанач, а працэсія пройдзе ўдзень [трансляцыя]
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная