У Беларусі з'явіцца новы бласлаўлёны - заснавальнік Чырвонага касцёла ў Мінску, ВІДЭА
- Written by katolik-gomel.by
- Published in Царква
- Add new comment
Заснавальніка каталіцкай царквы св. Сымона і св. Алены ў Мінску Эдварда Вайніловіча хочуць беатыфікаваць. З 12 па 16 траўня ў Мінску знаходзіцца камісія з Ватыкана.
У пасяджэнні камісіі па пытанні беатыфікацыі таксама ўдзельнічае мітрапаліт Мінска-Магілёўскі арцыбіскуп Тадэвуш Кандрусевіч.
Эдвард Вайніловіч - актыўны палітычны і грамадскі дзеяч канца ХIХ -ХХ стагоддзяў. У яго сям'і было двое дзяцей - іх заўчасная смерць стала для Эдварда Вайніловіча вялікай трагедыяй. У памяць пра сваіх дзяцей ён вырашыў пабудаваць царкву, узвядзенне якой было завершана ў 1910 годзе.
За сваё жыццё Эдвард Вайніловіч пабудаваў некалькі каталіцкіх і праваслаўных цэркваў. Таксама ён спансаваў будаўніцтва сінагогі і клапатаў аб з'яўленні мячэці.
- Імя Эдварда Вайніловіча ўвайшло ў гісторыю не толькі Мінска, Беларусі, але і Польшчы, іншых краін, - цытуе БелаПАН беларускага арцыбіскупа Тадэвуша Кандрусевіча. - Ён быў чалавекам, які вельмі моцна клапаціўся пра сваю сям'ю, пра хрысціянскае выхаванне дзяцей, быў грамадскім дзеячам, шмат працаваў для распаўсюджвання ў грамадстве сацыяльнага вучэння касцёла, якое ў той час толькі пачыналася. Выслухаўшы думкі людзей, якія добра ведаюць гісторыю жыцця Вайніловіча, правёўшы кансультацыі з прадстаўнікамі кангрэгацыі па справах святых, мы прыйшлі да высновы, што прыйшоў час пачынаць беатыфікацыйны працэс, і сённяшняе пасяджэнне - першы крок да гэтага.
Арцыбіскуп таксама адзначыў , што «да беатыфікацыі Вайніловіча трэба прайсці складаны шлях».
У 2006 годзе з дазволу царкоўных уладаў, міністэрстваў замежных спраў Беларусі і Польшчы астанкі Э. Вайніловіча былі перавезены з Быдгошчы ў Мінск. 11 чэрвеня 2006 года ў беларускай сталіцы адбылося іх ўрачыстае перапахаванне ля касцёла святых Сымона і Алены на плошчы Незалежнасці.
Media
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная