Ксёндз паказвае, як «калядуе» па вёсках Гродзеншчыны

Студзень 21, 2025
Written by KATOLIK.LIFE
Published in Царква
Add new comment

Таксама святар дзеліцца фотазамалёўкамі аб прыгажосці роднага краю.

Пробашч касцёла Унебаўзяцця Найсвяцейшай Панны Марыі ў Дзятлава ксёндз Андрэй Лішко выкладае ў парафіяльным Instagram здымкі з наведвання дамоў вернікаў падчас калядных душпастырскіх візітаў.

Пад рубрыкай «Ходзіць ксёндз па калядзе» святар публікуе сэлфі з парафіянамі, паказвае хатнія алтарыкі, а таксама дзеліцца фота з мясцовымі краявідамі (глядзіце ніжэй).

«Асвячэнне дома – момант, калі святар наведвае месцы, дзе жывуць вернiкi, каб несцi супакой паводле наказу Хрыста, – тлумачыў пробашч парафіі ў Фаніпалі ксёндз Дзяніс Шастаковіч. – Да таго ж гэта евангелізацыя, бо наведванне дамоў дае святару магчымасць паразмаўляць пра Хрыста і справы збаўлення. Таксама наведванне дамоў дапамагае душпастыру зразумець духоўныя недамаганнi вернікаў, іх патрэбы.

Супольная малітва святара і жыхароў дому прызывае Божае бласлаўленне і знішчае ўплыў злой сілы як для дамачадцаў, так і для месца, у якім яны жывуць».