Прыехалі з Гродзеншчыны, захавалі веру. Святар наведаў дзвюх сясцёр на краі Расіі і распавёў пра іх мару
- Written by KATOLIK.LIFE
- Published in Царква
- Add new comment
Пробашч з Валгаграда асвяціў дом і адправіў для сясцёр святую Імшу.
Пробашч каталіцкай парафіі святога Мікалая ў Валгаградзе наведаў двух састарэлых сясцёр, якія жывуць на далёкім хутары на Доне ў двух гадзінах язды з горада. Гэта ўраджэнкі Беларусі – Ядвіга і Уладзіслава. Старэйшай цяпер – 88 гадоў, малодшай – 81.
«Калісьці яны пераехалі на працу з Гродзенскай вобласці. Так і засталіся, захавалі веру і веравызнанне. Пакуль дазваляў узрост і здароўе, нягледзячы на транспартныя складанасці, прыязджалі ў храм у Валгаград».
Пробашч парафіі айцец Марцін Мілчаноўскі, які прыехаў сюды служыць з Польшчы, прынёс сёстрам вялікую радасць – асвяціў іх дом, адправіў святую Імшу, удзяліў намашчэнне хворых (глядзіце фота ніжэй). І распавёў пра мару старэйшай сястры – пабываць на Вялікдзень у храме на ўрачыстай Імшы.
Наш канал в Telegram – только интересное и важное. Подписаться >
