Тысячу кіламетраў у знакаміты Санцьяга-дэ-Кампастэла прайшоў рэктар Гродзенскай семінарыі

Рэктар каталіцкай духоўнай семінарыі ў Гродне ксёндз Ян Раманоўскі прайшоў пешшу шлях да сабора святога Якуба ў Санцьяга-дэ-Кампастэла ў Іспаніі.

Як ён паведаміў у сацсетцы, у знакамітае месца паломніцтва да магілы апостала Якуба ён ішоў шляхам Via de la Plata з Севільі. Гэта адзін з самых працяглых і старажытных маршрутаў шляху святога Якуба (Каміно-дэ-Сант'яга), які складае 1 тысячу кіламетраў.

Святар падзяліўся ўражаннямі:

«Адзін з самых цяжкіх досведаў пілігрымавання ў многіх вымярэннях: фізічным, ментальным і духоўным. Аднак, як аказалася, вельмі неабходны! Дзякуй Богу за гэты час ласкі, цішыні, малітвы і зразумення многіх спраў».

Выглядае, што рэктар семінарыі ішоў увесь час адзін у індывідуальнай пілігрымцы. Звычайна Via de la Plata займае 35-45 дзён. Раней, падчас навучання ў Іспаніі, ксёндз Ян Раманоўскі таксама пілігрымаваў у Санцьяга, але іншымі шляхамі.

Наш канал в Telegram – только интересное и важное. Подписаться >