Сваю «Радаўніцу» адзначылі і католікі – у адзіным такім месцы ў Беларусі
- Written by KATOLIK.LIFE
- Published in Царква
- Add new comment
Пасля святой Імшы вернікі разам са святаром ішлі працэсіяй на могілкі, каб правесці там набажэнствы.
У дні, калі праваслаўныя адзначаюць Радуніцу, распавядаем, што ёсць такая традыцыя і ў некаторых католікаў. На Нараўляншчыне на гомельскім Палессі, у адзіным такім кутку ў Беларусі, згодна з мясцовай традыцыяй каталіцкія вернікі таксама адзначаюць «Радаўніцу» ў адну з нядзель пасля Вялікадня.
Сёлета гэта адбылося ў Другую Велікодную нядзелю, на свята Божай Міласэрнасці. У Нароўлі, вёсках Грушаўка, а таксама Лубень і Мальцы (якія знаходзяцца на самай мяжы з Украінай) католікі масава наведвалі могілкі і маліліся за памерлых.
Пасля святой Імшы вернікі разам са святаром ішлі працэсіяй на могілкі, каб правесці там набажэнствы з малітвай да Ўваскрослага Езуса аб вечным жыцці для спачылых.
Такім чынам, у гэтым рэгіёне католікі моляцца за памерлых не толькі падчас восеньскіх «Дзядоў» (1-2 лістапада, дзень Усіх святых і ўспамін Усіх памерлых вернікаў), але і ў Велікодны перыяд.
Media
Related items
-
Надзея, маўчанне, малітва. Што цяпер са святарамі, якія хутка могуць пакінуць Беларусь
-
Дамінікане ў Кіеве паказалі наступствы атакі па горадзе і пашкоджанні кляштара
-
Паглядзіце на католікаў у сталіцы Башкартастана – там пабудуюць першы каталіцкі храм
-
Выпускнікі прыйшлі ў касцёлы, каб падзякаваць Богу і папрасіць дабраславення
-
140 супраць 8. Болей за ўсіх католікаў працягвае «нараджаць» Гродзенская вобласць