Кіраўнік уніятаў Беларусі наведаў Гомель на Раство
- Written by katolik-gomel.by
- Published in Навіны - Гомель
- Add new comment
Архімандрыт Сяргей Гаек правёў урачыстую Імшу для рыма-католікаў і святочную Літургію для грэка-католікаў.
Апостальскі візітатар для грэка-католікаў Беларусі архімандрыт Сяргей Гаек 25 снежня ўзначаліў святочную Калядную святую імшу ў гомельскай рыма-каталіцкай царкве. Звяртаючыся з пропаведдзю, кіраўнік уніятаў адзначыў:
- Бог жыве з намі, жыве побач, а мы, можа быць, сёння больш занятыя шопінгам, асабліва ў гэтыя дні, калі грошы губляюць вартасць. Таму дзякую Госпаду за кожнага, хто прыйшоў сёння ў храм. Калі прыходзім на службу Божую, значыць, хочам служыць Богу, а не каб Ён нам служыў, і не толькі для таго, каб паставіць свечку. Хоць ставіць свечкі - таксама важна, гэта знак таго, што ты хочаш служыць Ісусу Хрысту. І не толькі на Раство, але ўсё жыццё. Вядома, гэта няпроста. Але, як чытаем у Евангеллі, тым, хто прыняў Яго, дадзена сіла і ласка стаць дзецьмі Божымі. Мы ўсе сыны і дочкі Божыя, пытанне ў тым, ці жывём мы па гэтай годнасці?
Таксама архімандрыт закрануў пытанне беларускай мовы ў гомельскім касцёле, нагадаўшы аб тым, што хутка будзе адзначацца 500-годдзе выданне Францыскам Скарынам Бібліі на беларускай мове:
- Чытайце Слова Божае на роднай мове, інакш хто гэта будзе рабіць акрамя нас? Гэта першы знак павагі да таго, што з прыходам Ісуса Хрыста ўся культура атрымала новае вымярэнне. Пытанне Евангелля і культуры - гэта пакліканне кожнага хрысціяніна.
У той жа дзень архімандрыт Сяргей Гаек правёў Калядную Літургію для невялікай суполкі гомельскіх грэка-католікаў, якія збіраюцца ў гомельскім касцёле кожную другую і чацвёртую нядзелю месяца.
Related items
- Ля сцяны паміж Польшчай і Беларуссю правялі малітву, а працэсію ў Варшаве ўзначаліў Будслаўскі абраз
- Анлайн і афлайн: унікальнае кам'юніці ў Беларусі ствараюць вернікі
- Топ-5 навін рэгіёнаў: віншаванне манаха, «Маёвыя», выпускнікі ў касцёлах
- З вянкамі і паясамі – вось у якіх касцюмах прымалі Першую Камунію дзеці ў Заслаўі
- «Што мы шукаем?» Святар адказаў католікам, якім адмоўлена ў змене абраду