Топ-5 навін рэгіёнаў: віншаванне манаха, «Маёвыя», выпускнікі ў касцёлах

Май 29, 2024
Written by KATOLIK.LIFE
Published in Царква
Add new comment

Таксама каталіцкі святар асвяціў новую краму, а ў вёсках працягваюць арганізоўваць святыя Імшы ля прыдарожных крыжоў.

У фармаце навінаў адным радком прапануем падборку падзей, якія адбыліся 26-28 траўня ў каталіцкіх парафіях у некаторых рэгіёнах Беларусі – паводле допісаў на парафіяльных старонках у Instagram.

У гудагайскім санктуарыі павіншавалі з днём нараджэння айца Казіміра Мараўскага, які вядомы тым, што робіць драўляныя арэлі.

Святыя Імшы ля прыдарожных крыжоў працягвае ладзіць парафія ў Дзятлаве, а таксама – асвячаць новыя прыдарожныя крыжы.

Пробашч гэтай жа парафіі асвяціў новую краму і памаліўся разам з яе работнікамі.

Завяршаюцца «Маёвыя набажэнствы». Фота і відэа гэтай асаблівай малітвы апублікавала таксама парафія ў Дзятлаве.

Пасля апошняга званка ў школах выпускнікі прыйшлі на малітву ў касцёлы, дзе адбыліся святыя Імшы ў інтэнцыях выпускнікоў. У тым ліку – у парафіі ў Глыбокім.