У дар Папе Рымскаму Прэзідэнт Беларусі перадаў абраз у тэхніцы Гомельскай скані
- Written by katolik-gomel.by
- Published in Навіны - Гомель
- Add new comment
Гэта старадаўняе беларускае мастацтва карункаў па дрэве не так даўно было адроджана мясцовымі майстрамі.
Праз Дзяржсакратара Ватыкана кардынала П'етра Параліна, з якім у пятніцу сустракаўся Прэзідэнт Беларусі, ён перадаў у дар Папе Францішку рукатворны абраз «Беззаганнае сэрца Марыі». Работа выканана ва ўнікальнай тэхніцы Гомельскай (або Сожскай) скані і складаецца з карункаў па дрэве. Гэта старадаўняе беларускае мастацтва не так даўно было адроджана мясцовымі майстрамі.
Пры перадачы іконы Прэзідэнт адзначыў, што яна зроблена звычайнымі людзьмі і сведчыць аб міжканфесійным міры і згодзе.
Нагадаем, Кардынал П'етра Паралін падчас сустрэчы перадаў Аляксандру Лукашэнку прывітанне ад Папы Францішка.
У Прэзідэнта Беларусі ўжо склалася традыцыя дарыць вырабы, выкананыя па тэхналогіі Сожскай скані. Напрыклад, у 2013 годзе, віншуючы Архібіскупа Тадэвуша Кандрусевіча, арцыпастыра Каталіцкага Касцёла ў Беларусі, з Уваскрасеннем Хрыстовым, Аляксандр Лукашэнка падарыў яму Велікоднае яйка з дрэва, выкананае ў тэхніцы Гомельскай скані.
А падчас візіту да Папы Рымскага Бенедыкта XVI Прэзідэнт Беларусі таксама дарыў Пантыфіку абраз у тэхніцы Сожскай скані з традыцыйнай каталіцкай выявай Найсвяцейшага Сэрца Езуса.
Фота - Catholic.by
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу