Католікі святкуюць Пальмавую нядзелю: Ісус заклікае выйсці з натоўпу - ФОТА
- Written by katolik-gomel.by
- Published in Навіны - Гомель
- Add new comment
Вербныя і пальмавыя галіны з'яўляюцца не магічнай абаронай ад праблем, а знакам Божай любові і міласэрнасці.
29 сакавіка католікі святкуюць Пальмавую нядзелю (у мясцовай традыцыі - Вербную). У гэты дзень у касцёлах праходзяць урачыстыя службы з асвячэннем галін, з якімі вернікі прыходзяць у святыні. У гомельскай парафіі ў Пальмавую нядзелю правялі Хросны ход вакол касцёла з сапраўднымі пальмамі, дарэчы, знойдзенымі ў Беларусі. Асвячоныя пальмы раздалі неакатэхуменам з першай суполкі, якія завяршылі свой этап абнаўлення хросту Reditio Simboli.
- Тое, што ідзем сёння з гэтымі галінкамі - гэта знак для іншых, што мы хрысціяне, а не магічная абарона ад праблем. Наадварот, гэта напамін таго, што мы з'яўляемся вучнямі Ісуса Хрыста, таго, што мы кранутыя любоўю Бога і Яго міласэрнасцю, і закліканы абвяшчаць Яго любоў іншым, - падкрэсліў пробашч парафіі айцец Славамір, пачынаючы службу.
Ён адзначыў, што ў час працэсіі з пальмамі мы выказваем радасць ў адносінах да Ісуса, нягледзячы на снег, які ішоў у той час:
- Ён наадварот з'яўляецца знакам ласкі, мы радуемся гэтым невялікім цяжкасцям, таму што пачынаем Вялікі Тыдзень - мукі Госпада нашага Ісуса Хрыста. Гэтыя 40 дзён посту прыводзяць нас да сённяшняга дня, да таго, што з'яўляецца сэрцам Касцёла. Без Вялікадня няма жыцця, калі Езус не ўваскрос - марная наша вера.
У Пальмавую нядзелю - урачысты Уваход Гасподні ў Ерусалім - натоўп радасна вітаў Ісуса, а ўжо праз некалькі дзён патрабаваў укрыжаваць Яго.
- Ісус заклікае не жыць у натоўпе, прыняць у сваё сэрца Выратаванне, навярнуцца, стаць на калені перад Богам: Госпадзі, памілуй мяне, я зграшыў. Каб прыняць Камунію, якая з'яўляецца ежай для таго, каб быць умацаваным у веры. Мы не можам ісці ў Нябесны Ерусалім, жывучы ў натоўпе, робячы тое, што робіць натоўп, жадаючы ўсяго, акрамя Бога: жыць без праблем, без пакут, адпачываць, забаўляцца. А сёння Ісус кажа: Я прыйшоў вырваць цябе з з натоўпу, з повязяў граху. Заклікаю рэальна адкрыць сваё жыццё, сваё сэрца для Хрыста, таму што Ён вельмі любіць кожнага з нас, - сказаў айцец Славамір.
Related items
- Над дамамі і храмамі: здымкамі яркага палярнага ззяння дзеляцца ў сетках
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі