Гомельскі каталіцкі партал пераехаў на новы адрас

З гэтага часу Гомельскі каталіцкі партал Нараджэння Божай Маці будзе размяшчацца па новым, больш простым у напісанні адрасе - katolik-gomel.by. Практычна ўвесь ліпень сайт не працаваў, за што прыносім прабачэнні нашым чытачам - з-за праблем, якія ўзніклі на хостынгу сайта Рымска-каталіцкай царквы ў Беларусі Catholic.by, гомельскі партал быў адключаны. Цяпер сайт атрымаў сваё пастаяннае імя і будзе працаваць самастойна.

У першыя дні працы па новым адрасе магчымыя некаторыя праблемы ў пераходзе да матэрыялаў, спасылак, фотаздымкаў - у такіх выпадках просім чытачоў паказваць на заўважаныя праблемы, паведамляючы пра гэта ў каментарах да дадзенай нататкі.