Раство пачынаецца: у Гомель прыбыў Бэтлеемскі агонь - фота
- Written by Katolik.life
- Published in Навіны - Гомель
- Add new comment
Свята працягнецца ўрачыстай Імшой, канцэртамі, спектаклем.
25 снежня католікі адзначаць Божае Нараджэнне. Напярэдадні, ў нядзелю, 24 снежня скаўты даставілі ў Гомель Бэтлеемскі агонь, які раздавалі вернікам на нядзельнай святой Імшы. Агонь з Бэтлеему - месца зямнога нараджэння Езуса Хрыста - па ўсёй Еўропе, у тым ліку і па Беларусі, традыцыйна развозяць каталіцкія скаўты. Святыня пачынае сваё падарожжа з Вены, куды яе дастаўляюць самалётам з Бэтлеему, потым агонь перадаюць у Чэхію, Польшчу і вязуць да беларускай мяжы, дзе ўрачыста ўручаюць мясцовым скаўтам.
А першая Калядная служба ў Гомелі пачнецца ўжо ў ноч з 24 на 25 снежня - роўна апоўначы, 00.00. Пасля Імшы парафіянаў і гасцей чакае канцэрт Калядных спеваў і гучны сюрпрыз.
Удзень 25 снежня святая Імша пройдзе таксама ў 9.00, 12.00 і 17.00. 26 снежня, каб не згубіць радасць ад нараджэння Збавіцеля, вернікаў запрашаць да ўдзелу ў службах у 8.00 і 19.00.
У сераду 27 снежня, у 19.30, у касцёле пройдзе традыцыйны бясплатны Калядны канцэрт класічнай музыкі.
А ў нядзелю, 31 снежня, на дзень Святой сям'і, дзеці пакажуць "Бэтлеемку" - невялікі Калядны спектакль.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле