Словам, песнямі і танцамі на вуліцы ў Гомелі каталікі прапаведуюць Евангелле - ФОТА, ВІДЭА
- Written by katolik-gomel.by
- Published in Навіны - Гомель
- Add new comment
Кожную нядзелю ў гомельцаў ёсць магчымасць пачуць Добрую вестку пра любоў і перамогу Хрыста.
Кожную нядзелю Велікоднага часу Нэакатэхуменальныя суполкі гомельскай рыма-каталіцкай парафіі ладзяць евангелізацыю на вуліцы. Ва ўсім свеце ў гэты час каталікі Нэакатэхуменальнага шляху выходзяць на цэнтральныя плошчы сваіх гарадоў, каб несці мінакам Добрую вестку пра любоў і перамогу Хрыста. Паводле беларускіх законаў без дазволу ўладаў праводзіць масавыя мерапрыемствы на вуліцы забаронена, таму ў Гомелі евангелізацыя праходзіць на пляцоўцы перад храмам. Ён знаходзіцца на цэнтральнай вуліцы горада, дзякуючы чаму ўсё роўна нямала мінакоў могуць пачуць пра любоў Бога да кожнага чалавека.
Пад гітары і барабаны каталікі спяваюць пра ўваскрасенне Хрыста, танчаць і гавораць пропаведзь, зыходзячы са свайго досведу, сведчаць пра асабістую сустрэчу з Хрыстом у сваім жыцці.
Такія сустрэчы ля касцёла ладзяцца кожную нядзелю ў 13.30. Каталікі запрашаюць прыходзіць кожнага, каб пачуць Добрую вестку.
Media
Related items
- Партрэты і моманты: топ-5 фота з працэсіі Божага Цела ў Мінску
- Крэатыўна нагадалі католікі Мінска пра закрыты Чырвоны касцёл
- Масавыя працэсіі Божага Цела прайшлі па вуліцах гарадоў Беларусі
- Ля сцяны паміж Польшчай і Беларуссю правялі малітву, а працэсію ў Варшаве ўзначаліў Будслаўскі абраз
- Анлайн і афлайн: унікальнае кам'юніці ў Беларусі ствараюць вернікі