Царква Італіі вылучыла мільён еўра для ахвяраў землятрусу

Жнівень 25, 2016
Written by katolik-gomel.by
Published in Царква
Add new comment

Грошы паступаюць ад царкоўных ахвяраванняў.

Італьянскі епіскапат вылучыў адзін мільён еўра для аказання тэрміновай дапамогі пацярпелым ад землятрусу ў цэнтральнай Італіі. Грошы паступаюць ад касцёльных ахвяраванняў. Пра гэта паведаміла прэс-служба італьянскага епіскапату.

Акрамя таго, абвешчана, што 18 верасня ва ўсіх храмах краіны будзе праведзены спецыяльны збор сродкаў для пацярпелых ад землятрусу. Біскупы таксама запэўнілі, што будуць маліцца за ўсіх ахвяр гэтых драматычных падзей.

Італьянскія біскупы звярнуліся да дыяцэзій, парафіі, суполак і ўсіх касцёльных устаноў, каб праз прадастаўленне фінансавай дапамогі «прынамсі да некаторай ступені палегчыць цяжкія ўмовы, у якіх зараз павінны жыць людзі рэгіёна, пацярпелага ад такога моцнага землятрусу».

Усе грошы, сабраныя падчас спецыяльнай акцыі, епіскапат Італіі перадасць дабрачыннаму каталіцкаму таварыству «Карытас» у фонд дапамогі пацярпелым.

Сatholic.by

Tagged under