У Страсбургу Папа будзе казаць аб сацыяльных праблемах
- Written by katolik-gomel.by
- Published in Царква
- Add new comment
Касцёл не павінен умешвацца ў палітыку, але абавязаны рабіць націск на душпастырства сацыяльнай сферы жыцця грамадства.
Папа Францішак, прамаўляючы ў Еўрапейскім Парламенце і Савеце Еўропы, перадусім будзе казаць пра недахопы ў сацыяльнай сферы на Старым Кантыненце, лічыць арцыбіскуп Марыё Тоза, сакратар Папскай рады “Iustitia et pax”. У інтэрв’ю італьянскаму інтэрнэт-парталу “Vatican Insider” іерарх нагадаў пра асаблівую заклапочанасць Пантыфіка сацыяльнымі праблемамі.
“Патрабаванне сацыяльнай справядлівасці блізка звязана з абвяшчэннем Евангелля”, - сказаў ён.
На думку арцыбіскупа, Касцёл не павінен умешвацца ў палітыку, але абавязаны рабіць націск на душпастырства сацыяльнай сферы жыцця грамадства. Іерарх таксама падкрэсліў важнасць аб’яднання Еўропы перад абліччам эканамічнага крызісу, бо самастойна вырашыць існуючыя праблемы для краін – немагчыма.
Візіт Святога Айца ў Страсбург, звязаны з наведваннем Еўрапейскага Парламенту і штаб-кватэры Савета Еўропы, пройдзе 25 лістапада 2014 г.
Related items
-
«Нельга святкаваць Вялікдзень і...» Моцнае слова арцыбіскупа Кандрусевіча на Пасху
-
Цудоўная гісторыя ў Вербную нядзелю: дзядулі ў Гродне дапамаглі праз «сілу Threads»
-
Новы факт ціску на католікаў у РФ: з храма ва Уладзіміры патрабуюць прыбраць абраз заступніка парафіі
-
Дзяржорганы звярнуліся да святароў з просьбай дапамагчы ў далікатнай справе
-
Пад Мінскам плануюць пабудаваць новы касцёл – якім ён будзе