«8 сакавіка» выпусціла серыю дызайнерскіх «вышымаек» [ФОТА]
- Written by katolik-gomel.by
- Published in Соцыум
- Comments (2)
На адной з іх арнамент намаляваны ў выглядзе Каляднай зоркі.
Гомельскае ААТ «8 сакавіка» стала адной з першых дзяржаўных фабрык, якія пачалі выпускаць вопратку з беларускім арнаментам у нацыянальных колерах - белым і чырвоным. Прычым, у новай калекцыі гомельскага вытворцы з'явілася адразу серыя дызайнерскіх маек-вышыванак.
З надпісам лацінскімі літарамі «Belarus» на адной з іх у творчай манеры намаляваны нацыянальны арнамент у выглядзе Каляднай зоркі, на іншай - у выглядзе бусла, зубра і трактара, своеасаблівых сімвалаў Беларусі. Малюнак іншай мадэлі цалкам складаецца з арнаменту, ёсць таксама майкі з канкрэтнымі сімваламі арнаменту і тлумачэннямі па-беларуску іх значэнняў.
Новая прадукцыя з'явілася ў фірмовых крамах фабрыкі, там адзначылі, што «вышымайкі» паступілі ў продаж на мінулым тыдні. Кошт вырабу складае каля 10 рублёў, цішоткі выраблены з бавоўны.
Чытайце таксама: Ці падыходзіць хрысціяніну вышыванка?
Related items
- «Умацаванне стабільнасці і адзінства». Дзяржорганы назвалі свае задачы ў рабоце з Царквой
- «Яго тут няма». Онлайн-краму адзення з хрысціянскім мерчам адкрылі ў Мінску
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні