Храмы, львы і вышыванка: у Магілёве зацвердзілі лагатып 750-годдзя горада
- Written by katolik-gomel.by
- Published in Соцыум
- Add new comment
Будынак старадаўняга касцёла не ўключылі ў лагатып.
Магілёўскі гарвыканкам зацвердзіў лагатып святкавання 750-годдзя горада, якое будзе адзначацца ў 2017 годзе. У лагатып, аформлены ў стылі беларускай вышыванкі ў нацыянальных колерах - белым і чырвоным - увайшлі вобразы адметных будынкаў: гарадской ратушы, былога сялянскага пазямельнага банка, праваслаўнага Свята-Мікалаеўскага сабора, капліцы на «Буйніцкім поле», а таксама сучасных будынкаў і скульптур львоў.
У гарвыканкаме адзначылі, што ў рамках конкурсу на лепшы лагатып паступіла каля 80 варыянтаў, у якіх самым папулярным дадаткам стаў нацыянальны арнамент. Канчатковы варыянт уяўляе сабой белы ручнік, на якім над магілёўскім арнаментам намаляваныя знакавыя сучасныя аб'екты і гістарычныя будынкі горада, пракаментавалі ў гарвыканкаме.
У той жа час у сацсетках многія магілёўцы выказалі незадаволенасць лагатыпам, адзначаючы, што ў яго не ўключылі драмтэатр, Дом саветаў, каталіцкі храм святога Станіслава - ён таксама з'яўляецца адным з архітэктурных сімвалаў Магілёва.
Related items
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках