Крыжы на Галгофе. Названы лепшы праект мэмарыялу ў Курапатах
- Written by Katolik.life
- Published in Соцыум
- Add new comment
Ужо ўсталяваныя крыжы дэмантаваць не будуць - у народны мемарыял проста ўпішуць новы праект.
Падведзены вынікі конкурсу эскізных праектаў памятнага знака ва ўрочышчы "Курапаты" пад Мінскам. Пераможцам конкурсу эскізных праектаў вызначаны аўтарскі калектыў: скульптары - Нячай В., Аганаў С., архітэктары - Маркаўцава М., Ярмолін У., паведамляе Міністэрства культуры Беларусі.
Па задумцы аўтараў, праект выглядае як канструкцыя з чатырох калон ў выглядзе ног іржавага адцення. Уверсе калоны злучаныя папярочнымі перакладзінамі так, што ўтвараюць крыжы.
Паводле інфармацыі БелаПАН, мемарыял плануецца ўсталяваць на курапацкай Галгофе - цэнтральным ўзгорку ва ўрочышчы. Менавіта там, на лобным месцы, быў усталяваны камень з надпісам, што мемарыял павінен знаходзіцца тут.
Аўтары праекту адзначаюць, што ўжо устаноўленыя крыжы дэмантаваць не будуць - у народны мемарыял проста ўпішуць новы праект, дапоўняць ім ужо створанае месца памяці.
Нагадаем, ва ўрочышчы Курапаты адбываліся масавыя пахаванні рэпрэсаваных, якія былі расстраляныя ў канцы 1930-х - пачатку 1940-х гадоў. Раней па ініцыятыве дэмакратычнай грамадскасці ў Курапатах усталявалі сотні крыжоў, а нядаўна ўлады вырашылі стварыць у Курапатах мемарыял для «найбольш выразнага мастацкага адлюстравання вобразу ўрочышча «Курапаты» як агульнанацыянальнага месца памяці і прымірэння. Галоўная ідэя твора - увекавечыць памяць усіх бязвінна загінулых ахвяраў XX стагоддзя ў гісторыі Беларусі.
Раней старшыня Канферэнцыі каталіцкіх біскупаў Беларусі мітрапаліт Тадэвуш Кандрусевіч заяўляў, што «Курапаты павінны стаць нацыянальным Мемарыяльным комплексам».
Related items
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Старадаўняя капліца згарэла на могілках у Смаргоні
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску