Як у вёсках праходзяць Маёвыя набажэнствы, паказалі на Гродзеншчыне
- Written by KATOLIK.LIFE
- Published in Царква
- Add new comment
У дзень Найсвяцейшай Панны Марыі з Фацімы гаворым пра традыцыю, якая не ўсюды захавалася – як і яшчэ адзін скарб каталіцтва: Крыжовыя дні.
Травень (май) – гэта месяц, які ў Каталіцкай Царкве асабліва прысвечаны Найсвяцейшай Панне Марыі. У XIX стагоддзі ў Еўропе распаўсюдзілася традыцыя Маёвых набажэнстваў, неад'емная частка якіх – Літанія да Багародзіцы (ад грэцкага lite – «прашэнне, руплівая малітва»).
Літанія да Панны Марыі з'явілася ў XIII стагоддзі. У яе існуе некалькі версій, сярод якіх самая папулярная – «Ларэтанская», якую зацвердзіў Папа Рымскі Сікст V яшчэ ў 1587 годзе. Некаторыя крыніцы адзначаюць, што Маёвыя набажэнствы маюць багатую гісторыю, якая пачынаецца яшчэ ў Егіпце. Ужо ў V стагоддзі хрысціяне (копты) збіраліся на працягу ўсяго месяца, каб спяваць песні ў гонар Марыі.
Вось і цяпер вернікі збіраюцца на Маёвыя набажэнствы, а песні ў гонар Найсвяцейшай Панны Марыі спяваюць не толькі ў касцёлах. На захадзе Беларусі распаўсюджаная традыцыя, асабліва сярод жанчын, збірацца на вуліцы ля прыдарожных крыжоў і капліц. Фота з такой малітвы апублікавала парафія ў Дзятлава на Гродзеншчыне (ніжэй гартайце галерэю з Instagram).
А ў вёсцы Клішнякі сястра Антаніна Лісоўская зрабіла здымак з іншай малітвы ля прыдарожнага крыжа. Яшчэ адзін скарб традыцыйнага каталіцтва – Крыжовыя дні. Яны адбываюцца непасрэдна перад урачыстасцю Унебаўшэсця Пана і прыпадаюць на панядзелак, аўторак і сераду перад святам. Крыжовыя дні – гэта той час, калі да Бога і святых пры дапамозе літаніі ўзносяцца просьбы аб абароне, збаўленні і добрым ураджаі.
Наш канал в Telegram – только интересное и важное. Подписаться >
Related items
-
Беларускі біскуп заклікаў да малітвы за перамовы Украіны і Расіі
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?