Брэсцкія памежнікі правялі суботнік і пафарбавалі сцяну касцёла
- Written by Katolik.life
- Published in Соцыум
- Add new comment
Добраўпарадкаванне храма прайшло ў рамках акцыі БРСМ [фота]
На днях актывісты Беларускага рэспубліканскага саюза моладзі правялі акцыю па добраўпарадкаванні каталіцкага касцёла Найсвяцейшай Тройцы ў горадзе Высокае Камянецкага раёна Брэсцкай вобласці. Суботнік прайшоў у рамках раённага этапа рэспубліканскай дабрачыннай акцыі «Аднаўленне святынь Беларусі».
Валанцёры БРСМ з аддзялення пагранічнага кантролю «Высока - Літоўск» Брэсцкай памежнай групы і з 6-ай памежнай заставы «Токары» ўзяліся за інвентар і аказалі дапамогу ў добраўпарадкаванні прылеглай да касцёла тэрыторыі. Праца была праведзена вялікая: было загрунтавана і пафарбавана прыкладна 100 метраў каменнага плота, паведамляецца на старонцы Моладзь Камянца|БРСМ у сацсетцы.
- Мэта акцыі - знаёмства моладзі з духоўнай і культурнай спадчынай Беларусі, выхаванне і развіццё ў маладога пакалення духоўна-маральных каштоўнасцяў, - гаворыцца ў паведамленні.
Хочацца спадзявацца, дадаюць арганізатары, што аказанне дапамогі па аднаўленні святынь Беларусі стане для моладзі не адзінкавым знакам увагі, а добрай традыцыяй! Духоўная прыгажосць бясконца цудоўнейшая за ўсе іншыя!
Гэта ўжо далёка не першы выпадак, калі актывісты БРСМ - паслядоўнікі савецкага атэістычнага камсамола, які змагаўся з рэлігіяй і ўдзельнічаў у разбурэнні храмаў - добраўпарадкоўваюць каталіцкія і праваслаўныя святыні. Дзякуй Богу!
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні