Сям'і з Лоева, якой дапамог «Карытас» і многія беларусы, вярнулі сына

Верасень 1, 2018
Written by Katolik.life
Published in Соцыум
Add new comment

Бацькі выканалі ўсе ўмовы органаў апекі.

Сям'і з гарадскога пасёлка Лоеў Гомельскай вобласці 31 жніўня вярнулі дзіцяці, раней адабранае органамі апекі. Нагадаем, гомельская Дабрачынная каталіцкая місія «Карытас-Міласэрнасць» дапамагала беднай сям'і стварыць дома ўмовы для вяртання сына. Арганізацыя аплаціла першы этап правядзенне вады ў двор, каб выканаць патрабаванні камісіі па справах непаўналетніх.

Як распавядаў Katolik.life раней, грамадзянскія сужэнцы Андрэй і Алеся жывуць бедна. Маці знаходзіцца ў дэкрэтным адпачынку, а бацька працуе на нізкааплатнай пасадзе, таму бацькі не маглі выканаць усе ўмовы, пастаўленыя камісіяй райвыканкама, для забеспячэння дзіцяці.

Пасля таго, як інфармацыю аб праблеме Андрэя і Алесі сталі распаўсюджваць у інтэрнэце, многія людзі адгукнуліся і пералічылі сужэнцам грошы, каб яны змаглі выканаць патрабаванні органаў апекі і забяспечыць усім неабходным дзіцяці. Некаторыя ахвяравалі буйныя сумы - да 200 рублёў.

Last modified onНядзеля, 02 Верасень 2018 17:26

Tagged under

Related items