«Стрыжка за ахвяраванне». У Мінску адкрылася хрысціянская цырульня

Снежань 1, 2018
Written by Katolik.life
Published in Соцыум
Add new comment

Вопытны майстар якасна стрыжэ па папярэднім запісе

Хрысціянскі сацыяльны цэнтр па вул. Серафімовіча, 19 у Мінску (ст. метро «Пралетарская») прапаноўвае паслугу: стрыжка за ахвяраванне.

- Стрыжэшся і кладзеш колькі хочаш у скарбонку перад уваходам. Усе грошы ідуць на цэнтр, - распавядае каталіцкі блогер Арцём Ткачук, які паспеў скарыстацца паслугамі хрысціянскай цырульні і застаўся задаволены вынікам. - Сапраўды класна. Стрыжэ спадарыня Тарэса, вопыт цырульніцтва - ўсе жыцце гэтым займаецца. Мае ўражанні: пастрыглі норм, як заўседы. Усім раю. Буду ўдзячны, калі падзеліцеся навіной з сябрамі.

Гэты запіс Арцёма выклікаў цікавасць падпісчыкаў, якія папрасілі выкласці фота пасля стрыжкі - што хлопец і зрабіў.

Запісацца на стрыжку за ахвяраванне можна па нумары тэлефона +375 17 343 99 17 (рэцэпцыя цэнтра). Гадзіны працы пакуль такія: панядзелак, серада, пятніца з 16 да 18.