BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

У Баранавічах адбудзецца святая Імша за загінулых лётчыкаў

У Баранавічах адбудзецца святая Імша за загінулых лётчыкаў

Таксама вернікі падзякуюць Божаму Провіду за тое, што захаваў ад трагедыі жыхароў горада

У пятніцу 21 мая ў 18.00 у каталіцкай парафіі св. Зыгмунта ў Баранавічах адбудзецца жалобная святая Імша за загінулых лётчыкаў, а таксама малітва падзякі Божаму Провіду за тое, што захаваў ад трагедыі жыхароў горада. Пра гэта паведаміў прэс-сакратар Канферэнцыі каталіцкіх біскупаў у Беларусі ксёндз Юрый Санько.

Авіякатастрофа здарылася 19 мая непадалёк ад касцёла. Паводле паведамлення Міністэрства абароны Беларусі, загінулі лётчыкі - маёр Андрэй Нічыпарчык і лейтэнант Мікіта Куканенка. Пры выкананні вучэбна-трэніровачнага палёту экіпаж выявіў тэхнічную няспраўнасць. Праявіўшы мужнасць і гераізм, пілоты імкнуліся адвесці самалёт ад населенага пункта. Пераканаўшыся, што траекторыя падзення самалёта знаходзіцца па-за жылымі дамамі, лётчыкі катапультаваліся. Аднак вышыня была ўжо крытычная, таму лётчыкі загінулі.

Tagged under
Дадаць каментарый

Ахоўны код
Абнавіць