Стала вядома, як пакаралі вандалаў, якія апаганілі касцёл у Новалукомлі
- Written by KATOLIK.LIFE
- Published in Соцыум
- Add new comment
Хлопцы засталіся на волі - ім прысудзілі ўмоўны тэрмін
Суд Чашніцкага раёна разгледзеў крымінальную справу па абвінавачванні двух хлопцаў ў здзяйсненні злоснага хуліганства. Аэразольнымі балончыкамі яны нанеслі цынічныя і іншыя надпісы і малюнкі на аб'екты, размешчаныя ў Новалукомлі. Затым праніклі ў касцёл Святой Марыі Магдалены, дзе нанеслі выявы і надпісы на сцяну, падлогавае пакрыццё і алтарны абрус. Гэта адбылося ў сакавіку.
У судзе маладыя людзі прызналі сваю віну і цалкам пакрылі шкоду. Хлопцаў прысудзілі да пазбаўлення волі на тэрмін 1 год 6 месяцаў кожнаму-умоўна. Гэта значыць, абвінавачаныя засталіся на волі. Акрамя гэтага суд усклаў на маладых людзей абавязак выплаціць у даход дзяржавы крымінальна-прававую кампенсацыю ў памеры 50 базавых велічынь у суме 1450 рублёў і выканаць грамадска-карысныя працы ў аб'ёме 80 гадзін.
Прысуд уступіў у законную сілу, паведамляе старонка Генеральнай пракуратуры Беларусі ў сацсетцы.
Media
Related items
-
Дзень нараджэння ў зняволенні адзначыў каталіцкі святар у Беларусі
-
Ці будзе так у Курапатах? Беларус паказаў, як цяпер выглядае комплекс у Катыні
-
Тысячы людзей даведаліся пра маленькі касцёл у Мінску і яго патрэбы – дапамагла душэўнасць
-
Католікі ў Гродзенскай дыяцэзіі на працягу месяца моляцца за дзяржаўныя ўлады. Аб чым менавіта?
-
З розніцай у 13 разоў выдзелена дзяржпадтрымка на праваслаўны і каталіцкі «духоўныя цэнтры» Беларусі