«Ноччу была трывога, сядзелі ў падвале». Як сям'я католікаў з Мінска перажывае вайну ва Украіне

Люты 25, 2022
Written by KATOLIK.LIFE
Published in Соцыум
Add new comment

У Максіма і Надзеі чацвёра дзяцей, яны працягваюць заставацца ў Тэрнопалі

Сям'я каталіцкіх вернікаў Максіма і Надзеі Гацак з Мінска, якія перасяліліся ва украінскі Тэрнопаль, адчулі на сабе наступствы ўварвання расійскіх войскаў ва Украіну. «Прачнуліся ад таго, што праз нас ляцелі самалёты на ўсход», - распавяла Надзея.

Назаўтра яна апублікавала паведамленне аб тым, што ноч давялося правесці ў падвале.

«Ночка была не з лёгкіх, але нас прынамсі не абстрэльваюць. Я яшчэ ні разу не чула выбухаў. Ноччу была паветраная трывога, мы сядзелі ў падвале. Святло па ўсім горадзе было выключана (дзіўнае адчуванне поўнай цемры). Але нам безумоўна лягчэй чым кіеўлянам і іншым гарадам».

У Максіма і Надзеі чацвера маленькіх дзяцей. Сям'я працягвае заставацца ў Тэрнопалі і абяцае па магчымасці працягваць інфармаваць аб тым, што адбываецца ў горадзе.