Такі падарунак – толькі ад байкераў. Мотасезон яны адкрылі ў касцёле
- Written by KATOLIK.LIFE
- Published in Соцыум
- Add new comment
Для святара, які правёў экскурсію, а напярэдадні адзначыў дзень нараджэння, матацыклісты падрыхтавалі сюрпрыз.
Група ўдзельнікаў супольнасці матацыклістаў NO LIMITS з Астраўца адкрыла мотасезон наведваннем каталіцкіх святынь. 27 красавіка байкеры сабраліся на святой Імшы ў Нарачы, дзе атрымалі благаслаўленне на новы сезон, распавялі ў парафіі. А затым – прыехалі на экскурсію ў капліцу святой Філамены ў Вароне і касцёла святога Юрыя ў Варнянах.
Экскурсію для групы матацыклістаў правёў ксёндз Віктар Захарэўскі, пробашч парафіі ў Варнянах. Напярэдадні ён адзначаў свой дзень нараджэння, пра што даведаліся байкеры і падрыхтавалі для святара незвычайны падарунак. Яны вырабілі вялізнае палотнішча з выявай абраза Беззаганнага Сэрца Найсвяцейшай Панны Марыі. Фота і відэа пра падзею апублікавала старонка парафіі.
Байкеры з супольнасці NO LIMITS не першы раз наведваюць каталіцкія храмы. Раней яны ладзілі мотапрабег на фэст у Гудагаі. У цэлым супольнасць імкнецца развіваць байкерскі рух, любіць мотападарожжы і актыўны мотаадпачынак, вывучае гісторыю роднага краю, а таксама народныя традыцыі.
Наш канал в Telegram – только интересное и важное. Подписаться >
Related items
- Адзіная ў Беларусі школьніца, якая здала ЦЭ па гісторыі на 100 балаў: «Люблю наш касцёл»
- Пробашча касцёла ў Шуміліне асудзілі трэці раз запар – ён больш за месяц у зняволенні
- Пілігрымка да закрытага храма ў Рагачове сабрала рэкордную колькасць удзельнікаў
- У полі пад птушыны «хор»: як праходзяць Імшы пры крыжах, паказалі на Гродзеншчыне
- «У адзіночцы спяваў». Як ставяцца да зняволеных святароў і ў якіх умовах яны адбываюць арышт