Святар клапоціцца пра жывёл, якія засталіся ад памерлай парафіянкі

У нетыповай сітуацыі апынуўся пробашч рыма-каталіцкай парафіі ў вёсцы Альковічы Вілейскага раёна. Там памерла 61-гадовая адзінокая парафіянка касцёла, якая забірала да сябе кінутых сабак і катоў. Жывёлы засталіся нічыйнымі пасля смерці гаспадыні – цяпер пробашч парафіі ксёндз Анатоль Парахневіч вымушаны клапаціцца пра жывёл.

Паводле інфармацыі, якую распаўсюджваюць у сацсетках мясцовыя валанцёры, святар узяў да сябе двух катоў, якія прыйшлі да яго з дому памерлай гаспадыні. А астатніх жывёл пакуль падкормліваюць жыхары вёскі. Сам святар распавёў пра сітуацыю Kraj.by:

«Катоў і сабак падкідвалі дачнікі, яна выходжвала шчанюкоў, якіх нараджала яе ж гадаванка. Парафіянка перастала прыходзіць на службы. 22 траўня я прыйшоў да яе. Гляджу, а яна на ложку ляжыць мёртвая. Адна кошка сядзіць ля галавы гаспадыні, другая – у яе на грудзях».

Валанцёры указваюць тэлефон ксяндза Анатоля і просяць неабыякавых звярнуцца да яго, каб дапамагчы разабраць жывёл: +375 29 611-16-00

Наш канал в Telegram – только интересное и важное. Подписаться >