«Гэта выпрабаванне – быць у зняволенні невінаватаму». Ксёндз Акалатовіч моліцца, каб годна яго вытрымаць

Як стала вядома вернікам, ксяндза Генрыха Акалатовіча, асуджанага на 11 гадоў па абвінавачванні ў «здрадзе дзяржаве», перавялі на час абскарджання прысуду з СІЗА КДБ у іншы следчы ізалятар. У СІЗА-1 у Мінскім раёне ён будзе знаходзіцца бліжэйшыя месяцы. Туды яму можна паспрабаваць адправіць ліст (верагодна, лепш пісаць на рускай мове). Адрас:

Околотовичу Геннадию Владиславовичу

СИЗО-1, 223016, Новодворский сельсовет, 143/4,

д. Пашковичи, Минский район

Тым часам вернікі даведаліся, што ксёндз Генрых ацэньвае сваё зняволенне як выпрабаванне – яно цяжкае, паколькі ніякай віны за сабой ён не бачыць. Чалавек, якога кідаюць у турму ні за што – гэта пакутнік, лічыць ён. Калі не здзяйсняў нічога кепскага, а цябе караюць – то гэта цярпенне за веру, за Бога, за Касцёл. У гэтым выпадку Бог не пакіне, таму не трэба адчайвацца, упэўнены святар.

Ён моліцца аб тым, каб годна прайшоў гэты шлях пакутнікаў XXI стагоддзя, застаўся верным Богу, Маці Божай, Каталіцкай Царкве і Святому Пасаду. Просіць для сябе ў Бога моцнай веры, шчырай малітвы і спадзяецца на малітву за яго ўсіх неабыякавых.

Наш канал в Telegram – только интересное и важное. Подписаться >